ප්‍රාදේශීය ලේකම් කාර්යාලය - පාතහේවාහැට

පාතහේවාහැට ප්‍රාදේශීය ලේකම් කාර්යාලය මගින් ප්‍රාදේශීය ලේකම් කාර්යාලයට අනුයුක්ත නිලධාරීන් වෙනුවෙන් සංවිධානය කරනු ලබන පුහුණු වැඩසටහන් මාලාවට අදාලව " කාර්යක්ෂම මහජන සේවයක් ඉටු කිරීම" පුහුණු වැඩසටහන 2021/11/19 සිකුරාදා දින පෙ.ව. 9.00 සිට ප.ව 12.00 දක්වා සත්ව නිෂ්පාදන හා සෞඛ්‍ය සේවා දෙපාර්තමේතුවේ හිටපු අධ්‍යක්ෂ ජනරාල්, විශ්‍රාමලත් පරිපාලන සේවයේ නිලධාරී අනුර රාජරත්න මහතාගේ සම්පත් දායකත්වයෙන් ප්‍රාදේශීය ලේකම් කාර්යාල ප්‍රධාන රැස්වීම් ශාලාවේදී නියමිත සෞඛ්‍ය මාර්ගොපදේශයන්ට අනුකූලව සෞඛ්‍යාරක්ෂිත ක්‍රමවේද අනුගමනය  කරමින් පැවැත්විණි. මේ සඳහා ක්ෂේත්‍රයේ රාජකාරි කරනු ලබන නිලධාරීන් Zoom තාක්ෂණය ඔස්සේ සහභාගී වූහ.

ධනාත්මක ආකල්පමය වෙනසක් ඇති කිරීම සඳහා නවක සහ ජ්‍යෙෂ්ඨ නිලධාරීන් උදෙසා හරවත් සහ ප්‍රයෝජනවත් කරුණු රැසකින් පරිපූර්ණ වූ මෙම දේශනය මහඟු උපකාරයක් විණි.

අප ප්‍රාදේශීය ලේකම්තුමියගේ ප්‍රධානත්වයෙන්  2021.10.03 දින මහනුවර ත්‍රිත්ව විද්‍යාලීය ආදි ශිෂ්‍ය සංගමයේ මූල්‍ය දායකත්වය මත පින්නගොල්ල, දුල්මරේ,සිංහාරගම යන වසම්වල ප්‍රතිලාභින් 60 දෙනෙකු සඳහා වියලි ආහාර මළු බෙදාදීම සහ විශේෂ අවශ්‍යතා සහිත දරුවකු සඳහා රෝද පුටුවක් ලබා දීමේ සමාජ සත්කාරක වැඩසටහනක් අප ප්‍රාදේශීය ලේකම් කාර්යාලීය සමාජ සේවා අංශය මඟින් සංවිධානය කරන ලදී.

පාතහේවාහැට ප්‍රදේශිය ලේකම් කර්යාලයේදී පළාත් අධ්‍යක්ෂක තුමාගේ  සහ දිස්ත්‍රික් සහකාර අධ්‍යක්ෂකතුමාගේ ප්‍රධානත්වයෙන් බහුකාර්ය සහයකයන්ගේ දැනුවත් කිරීමේ වැඩසටහනක් 2021.10.16 දින පැවැත්විනි.

ලෝක ළමා දිනය 2021 නිමිත්තෙන් අප පාතහේවාහැට ප්‍රාදේශීය ලේකම් කාර්යාලය මඟින් ප්‍රාදේශීය ලේකම්තුමියගේ සංකල්පයකට අනුව විශේෂ වැඩසටහන් කිහිපයක් පවත්වන ලද අතර එම වැඩසටහන් අතරට පැල රෝපනය, ප්‍රතිචක්‍රීකරණය සහ රසවින්දනාත්මක වැඩසටහන් ඇතුලත්වේ.

තවත් කියවන්න: ලෝක ළමා දිනය 2021